Инвестиција вредна повеќе од 40 милиони денари ќе издвои Министерството за здравство за реконструкција на Ургентниот центар во Куманово .

Надлежните велат дека со овој проект е веќе изработен и со него ќе се подигне квалитетот во оваа институција.

Министерот Тодоров информираше дека проектот ќе содржи приземје и кат на површина од околу 600 м2, а ќе се гради на местото каде што се наоѓаат моменталните ургентни амбуланти на интернистичкиот оддел кои вушност ќе се поврзат и ќе станат еден ургентен центар.

- Во ургентниот центар ќе има комплетна дијагностика и за хируршки и за интернистички ургентни состојби, односно во објектот ќе бидат поставени и рендген апаратот и апаратот за компјутерска томографија. Новиот Ургентен хируршки центар ќе содржи: итна хируршка амбуланта, соба за дневна болница, ортопедска амбуланта, уролошка амбуланта, анестезиолошка амбуланта, и други простории, истакна Тодоров и додаде дека станува збор за инвестиција во вредност од над 20 милиони денари која се очекува да заврши до крајот на 2016 година.

За опремата е распишан тендер кој ќе изнесува 20 милиони денари.