Владата ќе потроши 100.000 евра за анализа на проектот за привлекување странски инвестиции во земјава, објави Вест. Огласот бил објавен во петокот и на него се бараат консултантски услуги за длабинска анализа на воспоставениот систем за привлекување странски инвестиции. Огласот ќе биде отворен до 25-ти декември. „Наша цел е да правиме постојано унапредување и усовршување на овој креиран систем и затоа е и распишан овој оглас со кој очекуваме од кредибилен надворешен фактор да добиеме сугестии за понатамошна позитивна надградба на системот и за негово квалитетно надополнување се со цел и понатаму да се унапредува нашата конкурентнсот и атрактивност и да се зголемуваат и понатаму позитивните ефекти од странските инвестиции“, информираат од Владата. Премиерот Никола Груевски вчера најави нова странска инвестиција на американска компанија во Бунарџик, која треба да донесе 400 работни места.