Ќе дојде ли моментот кога партиите конечно ќе се договорат за решение на политичката криза која трае веќе предолго. Ова е прашањето кое си го поставуваат многумина, но засега ситуацијата е неизвесна.

По само два часа вчерашните преговори беа завршени и оставени да продолжат денес.

Партиите не дадоа изјава за медиумите, а американскиот амбасадор Џес Бејли со кој вчера партиските потписници седнаа на преговарачка маса, кратко изјави дека преговорите се завршени и дека ќе продолжат денес.

Опозициски извори велат дека сè уште не може да се каже дека договор со сигурност ќе има, но дека е можно да се постигне. Од владеачката партија пак посочуваат дека е непринципиелно да го кажат предлогот што бил на маса додека не се произнесат сите партии вклучени во разговорите.

Засега 11 декември се споменува како можен датум за избори.