Во судницата во велешкиот суд, денеска за малку се избегна несреќа, кога педесет и три годишниот кавадарчанец се онесвестил на соопштувањето на пресудата, јави порталот Дума.мк.

Кавадарчанецо Раде заедно со неговиот син Драган биле обвинети за кривично дело убиство во обид, а му била изречена казна од 9 години затвор.

Во моментот кога судот ја соопштил пресудата за син му, Раде се онесвестил на подот и го голтнал јазикот. Во судницата настанала паника, но за среќа новинарот Петар Пачков реагирал и успеал да го спаси.

Тој завршил во велешката болница и не слушнал дека судот и нему му изрече казна од 7,5 години.

Од болница велат дека Радо најверојатно добил психички шок и траума од веста за затворската казна на син му и тоа било причина што се онесвестил.

Инаку, таткото и синот се обвинети за кривично дело обид за убиство, кога пред два месеци со моторна пила се обиделе да му го одземат животот на нивни сограѓанин.