Наутро ќе биде сончево и ведро, а попладне се очекува појава на нестабилност.

Нестабилноста ќе зафати поголем дел од земјава, но ќе биде од локален карактер.

Во Скопје ќе имаме сончево претпладне, а попладне облачноста ќе се зголемува. Попладне и навечер се очекуваат повремени врнежи од дожд и појава на грмежи. Температурата ќе се искачи до 28 степени.

Во источниот регион, особено во повисоките делови се очекува поизразена нестабилност. Во западниот дел нестабилноста ќе биде послаба.

Врнежите во источниот регион ќе бидат проследени со почеста појава на електрични празнења, а очекуваме да траат и во текот на вечерта.

Температурите се  без значајни промени во однос на претходните денови. Највисока дневна вредност во границите од 26 до 28 степени во поголем дел од котлините, а на југоисток околу 30 степени.