Какви предлози ќе извади од ракав германскиот пратеник Хајндл?
По втор пат во дводневна мисија на земјава денеска треба да дојде германскиот специјален претставник Јоханес Хајндл.
Според најавите предвидено е освен со претавниците на партиите, германската булдожер дипломатија да оствари средби и со шефот на државата Ѓорге Иванов и со претседателот на Собранието Трајко Вељаноски.
Доаѓањето на германецот инаку се надоврзува со неговата посета од претходниот пат кога ги сослуша лидерите на партиите и заедно во координирана акција со ЕУ и САД денеска од ракав треба да извади конкретни предлози за решавањето на политичката криза.
[button color="orange" size="medium" link="http://faktor.mk/2016/05/19/se-krchka-li-tehnichka-vlada/" target="blank" ] Се крчка ли техничка Влада?[/button]
Првите барања кои Јоханес ги побара од лидерите беа повлекување на аболицијата од претседателот на државата, Ѓорге Иванов, реформи во медиумите и прочистување на Избирачкиот список.
Во заедничко соопштенија и ЕУ и САД вчера ја поздравија долуката за повторно заседавање на Собранието и повлекувањето на датумот за избори на пет јуни, но сепак со остри критики тие побараа итно поништување на аболицијата .
Одлуката на Уставниот суд го отвора патот повторно да се состане Парламентот и да ги откаже изборите на 5 јуни, се вели во заедничката изјава на високата претставничка за надворешна политика и безбедност на Европската унија, Федерика Могерини и на еврокомесарот, Јоханес Хан. Тие сметаат дека ова е нова можност за земјата да одговори на бројните прашања во срцето на пролонгираната политичка криза.
Слично
Поврзани вести
