Како што објави „Блумберг“, Турција планира да ги искористи своите резерви на злато и девизи за стабилизирање на националната валута - лирата, која е под зголемен притисок поради инфлацијата, високите каматни стапки и регионалните тензии.

Ситуацијата во турската економија е веќе сериозно нарушена, а конфликтот во Иран и глобалната енергетска криза, кои придонесоа за понатамошно слабеење на лирата, претставуваат дополнителен удар. Граѓаните, соочени со пад на вредноста на валутата, сè повеќе ја конвертираат лирата во странски валути како што се долари и евра, што дополнително го дестабилизира финансискиот систем.

Според достапните информации, еден од клучните фактори што во моментов ја ублажува подлабоката економска криза е гасоводот „Турски тек“. Сепак, постојаните закани од Украина за можни напади врз оваа инфраструктура дополнително ја зголемуваат неизвесноста и ризиците за енергетската безбедност на земјата.

Во овој контекст, властите во Анкара подготвуваат пакет мерки во вредност од дури 135 милијарди долари со цел стабилизирање на валутата. Првиот чекор вклучува продажба на околу 30 милијарди долари резерви што моментално се чуваат во Банката на Англија.

Аналитичарите предупредуваат дека понатамошното влошување на геополитичката ситуација би можело дополнително да ја потресе турската економија, која веќе е изложена на силни внатрешни и надворешни притисоци. Неколку години, лирата е нестабилна и се соочува со пад на вредноста. 

foto printskrin youtube