Американскиот аналитичар, Даниел Сервер вели дека во моментов Вашингтон и САД немаат јасно формулирана политика за Балканот. 

„За мене тоа не е изненадување, бидејќи постојат или има многу други приоритети за американската администрација пред Балканот. Но, според мене потребно е да се направи нешто и се надевам да има преповторување на европската перспектива за Балканот – членство во ЕУ и НАТО во постојните граници“ - вели тој.

Поради Брегзит, миграциската криза и зголемувањето на популизам ЕУ не се фокусира на Западен Балкан, сметаат аналитичарите. За овие земји членството во НАТО е многу важно во краток рок.

Но овој процес е блокиран од различни причини – поради спорот за името на Македонија со Грција, јавното мислење во Србија, каде мнозинството се против тоа, потсетува Сервер.

Во исто време имаме различни невладини организации кои се финансираат од Русија, на социјалните мрежи ги шират руските позиции и тоа нешто ќе се продлабочува. 

„Еден од проблемите е српската воена соработка со Русија, од една страна, и со земјите од НАТО – од друга страна. Во исто време има многу повеќе заеднички обуки поврзани со НАТО во рамките на програмата “Партнерство за мир”, отколку со Русија, но соработката со Русија добива поголема транспарентност во српските медиуми. САД имаат потреба од подобра јавна дипломатија “- вели американскиот аналитичар Рос Џонсон.

Според него, таму каде што Русите ги урнаа најпознатите очигледно, е Црна Гора. Тие пропаднаа поради решеноста на црногорската влада да ги постигне своите цели – членството во НАТО. Тие не успеаја и во Македонија, бидејќи сакаа Груевски да остане на власт, додава Џонсон.