Вредноста на еврото во однос на доларот денеска се искачи на највисоко ниво во последните четири години, покажуваат актуелните податоци од берзата Форекс.

Во 12:10 часот, вредноста на еврото се зголеми за 0,37 проценти на 1,18052 долари, што е неговата највисока вредност од септември 2021 година.

Расположението на инвеститорите во Еврозоната и Германија е подобро од очекуваното, а американскиот долар ослабе пред очекуваното намалување на каматните стапки од страна на Федералните резерви.

Пазарите генерално прогнозираат дека американската централна банка ќе ги намали каматните стапки за најмалку 25 базични поени оваа недела, бидејќи е принудена да балансира помеѓу послаб пазар на трудот и инфлаторни притисоци.

Претседателот на САД, Доналд Трамп, вчера ги повика Федералните резерви значително да ги намалат каматните стапки на претстојниот состанок за монетарната политика, кој ќе се одржи на 16 и 17 септември, објавија медиумите.

foto EPA/ARSHAD ARBAB