Треба полека да си ги спакуваме работите и да бараме стан или куќа во Сомбор. Таму се најдобрите услови за живот во Србија. Ако нема место на запад од Бачка, опции се Шабац или Пирот, вториот и третиот најдобар град во Србија.

Од друга страна, можеби треба да ги избегнувате Врање, Нови Пазар и Заечар, кои се на дното, пренесува Форбс.

Ова го покажаа прелиминарните резултати од анкетата за перцепцијата на граѓаните што ќе се користи за креирање на Индексот на најдобри градови во Србија. Економскиот факултет во Ниш работи на ова рангирање, со поддршка на проектот UR Wise финансиран од Европската Унија.

Сомбор прв во повеќето категории

Граѓаните ги оценија градовите преку 10 димензии/категории или 54 индикатори.

Сомбор го освои првото место во осум од 10 категории, а беше втор и во преостанатите две категории. Би се рекло, убедлив резултат. Бидејќи граѓаните вклучени во анкетата го оцениле само своето место на живеење, може да се заклучи дека жителите на Сомбор се најгорди на својата заедница и гледаат подобри шанси за напредок во неа од жителите на Заечар.

Граѓаните даваат приоритет на безбедноста и здравствената заштита. Потоа следуваат образованието и човечкиот капитал, а на трето место е подготвеноста за усвојување на дигитални технологии. На дното, но не и помалку важно, се економијата и пазарот на трудот, каде што, меѓу другото, ја оцениле можноста за наоѓање работа. 

Иако би се очекувало главниот град и најголем град да биде високо рангиран, Белград не успеа. Тој беше само на средината на табелата - 14-то место.