Ормутскиот теснец ги менува глобалните пазари. Цената на инвестициското злато е приближно 4.800 долари за унца.

Глобалните пазари влегуваат во нова фаза на тензии, а во центарот на вниманието е Ормутскиот теснец - најважниот енергетски коридор во светот, низ кој минува значаен дел од светската нафта, течен природен гас и стратешки суровини. Според Георги Христов, основач и извршен директор на компанијата „Тавекс“, ситуацијата во таа област ги има сите предуслови да стане долгорочен економски фактор.

„Реалноста е дека е малку веројатно дека Орумскиот теснец ќе биде повторно отворен во блиска иднина. Мојата анализа покажува дека Иран има поголеми шанси да ја добие војната и да ја преземе контролата врз теснецот“, рече Христов.

„Ниеден конфликт на Блискиот Исток не е решен толку брзо како што некои очекуваат. Ова значи дека сегашната ситуација ќе трае подолго и ќе има позначајно економско влијание“, додаде тој.

Според неговите изјави, околу 30 проценти од течниот природен гас и азотните ѓубрива, како и значителен дел од другите клучни суровини поврзани со енергијата, храната и индустријата, минуваат низ овој пат, што го прави секое нарушување фактор со глобални последици, пренесува Politika.rs.

foto printskrin youtube