Летната туристичка сезона заврши со многу сомнителни појави кои лошо се одразија на имиџот на одредени места со стандардните обвинувања за контра кампања и измислување скандали. Како и секоја година, така и оваа Здруженијата на угостители и туристички работници ќе одржат конференција за нелојалната конкуренција во туризмот и како таа да се спречи, но очигледно немаат преефикасни решенија бидејќи темата се повторува. Како што информираат од Стопанската комора на Македонија, на денешната прес-конференцијата ќе присуствуваат и Славе Сирачевски, заменик-претседател на Здружението на угостителството и туризмот при Стопанската комора на Македонија и Асим Меѓедовиќ, член на Здружението на угостителството и туризмот.