Долго време барате работа? Во меѓувреме немате никаква друга активност? И слободното време може да го искористите за да го подобрите вашето CV.
Начинот на кој го поминувате времето надвор од работното опкружување е од голема важност и зборува многу за вас.
- Направете си блог
Кога работодавецот се одлучува кој кандидат да го вработи, најверојатно ќе ги пребара нивните имиња на интернет.
Затоа, за да се издвоите од останатите кандидати, експертите советуваат да започнете со пишување на блог и да имате многу поотворен пристап до социјалните мрежи. Пишувањето на блог ќе ги покаже вашите вештини за пишување, сопствени интереси и желби. Но, внимавајте да не ставате фотографии од забави со алкохол или некои активности кои ја откриваат вашата политичка определеност.
- Тимски спорт
Секогаш е добро да имате спортски дух. Тоа создава добра слика за вас, особено ако се занимаватe со тимски спорт. Тоа покажува дека сте склони кон тимска работа, си посветувате време на себе си и сте свесни за своите вредности и недостатоци.
Секој работодавец сака членови кои ќе се вклопат во тимот и ќе знаат да соработуваат со своите колеги.
- Патувања
Ако сте човек кој сака да патува, тоа за вас зборува неколку работи: претпоставка е дека знаете да штедите (оти патувањата не се евтини), знаете добро да планирате, имате отворен дух, зборувате англиски јазик или друг светски јазик, одлично се снаоѓате во непознато опкружување и имате голем број на предности во споредба со другите.
Доколку аплицирате за работа, секогаш внимавајте да не ги правите
овие грешки.
