Благој Ѓорев од Велес бележи загуба во работењето за првите шест месеци од годинава која е речиси на исто ниво како и загубата остварена во истиот период лани па така на годишно ниво гледано нема поголеми поместувања.

Сепак, Благој Ѓорев АД Велес полош резултат има остварено во вкупните приходи кои од 1 јануари до 30 јуни 2017 достигнале 273,5 милиони денари или за 11% помалку во однос на првото полугодие лани.

Од друга страна пак вкупните оперативни расходи годинава за првите шест месеци изнесуваат 243,5 милиони денари или за 13% помалку споредено со истиот двоквартелен период од 2016 година.

„Во овој период крајните залихи на готови производи се помали во однос на почетните и се остварени помали приходи од реализација на залихата во однос на направените трошоци за истата и како резултат на тоа е искажана загуба“, објаснуваат од ПИ „Благој Ѓорев“ АД Велес.

Фабриката за производство на масло и прехрамбени производи „Благој Ѓорев“ кварталот го завршува со загуба од 8,3 милиони денари што е за околу 1 милион денари помалку во однос на загубата која е регистрирана лани.

Х.С.