Балканот и натаму има многу предизвици кои го прават потенцијално нестабилно место, па според НАТО клуч за мирот и безбедноста ќе бидат односите меѓу Србија и Косово, па затоа од исклучителна важност е да продолжат разговорите меѓу двете влади за смирување на состојбите и наоѓање на решенија.

Во соопштението од седиштето на Алијансата во Брисел се наведува дека НАТО останува целосно посветен на стабилноста и безбедноста на Западен Балкан и има активно партнерство со Србија.

– НАТО целосно го поддржува продолжувањето на разговорите меѓу Белград и Приштина, под покровителство на ЕУ. Тоа е од клучно значење за мирот и безбедноста во регионот. Треба да покажеме умереност и да го поддржиме било кој напор што овозможува нормализирање на безбедносната ситуација и избегнува создавање тензии, истакна официјален претставник на НАТО.

Според него, демократските вредности, владеењето на правото, домашните реформи и добрососедските односи се од витално значење за регионалната стабилност.