Јужна Америка би можела да произведува уште 2,1 милион барел нафта дневно.

Цената на нафтата од 100 долари за барел во подолг временски период би можела да ослободи до 2,1 милион барели дневно дополнителна понуда во Јужна Америка до средината на 2030-тите, објави денеска компанијата за енергетски истражувања Rystad Energy.

Rystad сега предвидува дека барел нафта оваа година во просек ќе чини 89 долари.

Тоа би требало да значи за земјите од Јужна Америка зголемување на државните приходи за 43 милијарди долари, пресметале во Rystad.

Доколку цената на нафтата подолг период изнесува 100 долари, проектите за експлоатација во подморските подрачја на Бразил, Гвајана и Суринам би можеле во следните десет години да обезбедат дополнителни повеќе од еден милион барели нафта дневно, проценуваат од Rystad.

Венецуела би можела да ја зголеми производството за 910 илјади барели дневно, од кои 57 проценти би доаѓале од постојните наоѓалишта, каде оперативните трошоци се движат меѓу 7 и 8 долари по барел, наведува компанијата.

Гвајана веќе во првите два месеци од годинава произведувала повеќе од 900 илјади барели нафта дневно, според владините податоци, значително повеќе од просекот во 2025 година кој изнесувал 716.000 барели дневно.

foto freepik.com