Србија мора да размислува да си обезбеди уште еден правец за доток на гас, настрана од Јужен тек, верува српската министерка за градежништво, транспорт и инфраструкура Зорана Михајловиќ, нагласувајќи дека на Србија мора да и биде најважна енергетската безбедност. "И пред да се случи кризата со Украина ние работевме на тоа. Итно мораме да размислуваме за тоа да го имаме и Јужен тек и гасоводот Ниш-Димитровград“, вели Михајловиќ. Во претходниот состав на српската Влада Михајловиќ беше министерка за енергетика. Запрашана дали заради ваквите ставови и оценките дека не е „проруски настроена“ веќе не е во тој ресор, таа одговара: „Тоа не е прашање за мене. Но, јас сум просрпски човек. Работам онака како што мислам дека е најдобро за својата земја и затоа зборувам дека ни е потребно да обезбедиме енергетска стабилност. Можеби ќе дојде зима во која нема да има доволно гас заради ситуацијата во Украина“. ДАЛИ ЌЕ СОПРЕ ЈУЖЕН ТЕК?