Министерот за одбрана Зоран Јолевски најавува зголемување на буџетот за одбрана. Предлогот треба да биде изготвен до крајот на неделата, а со него од Владата ќе се бараат повисоки и посоодветни средства за потребите на одбраната. „До 15-ти, до петок треба да го доставиме предлогот за буџетот. Во овој буџет има серизоно зголемување на средствата како за модернизација, така и за животот на припадниците на АРМ“, вели Јолевски. Во наредните три до пет години, Министерството за одбрана планира и кратење на трошоците во одредени сегменти за партите да се пренасочат кон модернизација и побрз армиски техничко- технолошки развој. Во оваа насока, Јолевски ќе бара поддршка и од домашните компании. Идејата била „да се поврзе патриотизмот на војниците со опремата произведена во Македонија“.