Очекуваме дека банкарскиот сектор ќе продолжи да функционира во иста насока како и до сега. ПроКредит Банка останува и понатаму фокусирана за поддршка на претпријатијата и економската активност во Македонија, вели во интервју за Фактор, Јованка Јолеска Поповска, главен извршен директор на ПроКредит банка на прашањето како политичка незивесност, особено сега по референдумот, ќе влијае на банките.

Јолеска Поповска вели дека компаниите се подготвени за инвестиции а ПроКредит банка ќе ги поддржува и во иднина.

Каква е активноста на домашните компании, колку инвестираат, како се развиваат?

Од тековните барања за кредити може да забележиме дека бизнис секторот планира и е подготвен за долгорочни инвестиции, што претставува позитивен показател за трендот на македоснката економија. Претприемачите започнуваат да реализираат дел од своите планирани активности и инвестираат во проширување на производствени капацитети, автоматизација како и диферзификација на бизнисот.