Јанкулоска го негира Заев, МВР вработува законски
После вчерашната 20-та по ред „бомба“ на опозицијата во која, според тврдењата на опозицијата и лидерот Заев, се договараат партиски вработувања во јавната и државната администрација , министерката Гордана Јанкулоска, која е најчест спомнуван лик во наводно прислушуваните разговори го негира Заев и вели дека тој е лицемерен.
Јанкулоска е без коментар за аудио разговорите и според неа истите се сечени, лепени, креирани и монтирани.
- Доколку некоја институција достави налог за испитување на одредени материја во процедура, која е законска, МВР секако ќе постапи, според која се работи за креирани материјали кои треба да создадат фиктивна реалност.
Таа нагласува дека полицијата има опрема со која може да изврши вештачење и проверка на автентичноста на снимките, но потенцира дека полицијата ги следи правните процедури и нема да се стави во функција на некоја политичка партија.
[button color="orange" size="medium" link="http://faktor.mk/2015/04/14/video-sdsm-partiska-kontrola-za-dobivane-na-rabota/" target="blank" ](ВИДЕО) СДСМ: Партиска контрола за добивање на работа[/button]
На обвинувањата кои објавените бомби ги насочуваат кон неа, таа вели дека на Заев му е страв од истрагата за „Пуч“.
„Очигледен е немирот кој го чувствува Зоран Заев од кривичните дела за кои се товари. Заев и натаму се обидува со креирани материјали, на незаконски начин да прикаже една слика која не кореспондира со реалната состојба во земјава“, рече Јанкулоска.
Институциите се тие кои ќе го кажат последниот збор за „Пуч“.
Зоран Заев со голем број хипотеки во своето досие не е достоен да зборува за слободата, демократијата правдата, бидејќи токму тој пред целата јавност јавно изјави дека кога СДСМ ќе дојде на власт, ќе применува најсурови методи за неистомислениците истакнува министерката.
„Не постои систем во државата-се е партија. Премиерот но и уште неколку соработници околу него срушиле се! Партиските кадри, кои се вработуваа под контрола и со одобрение на Никола Груевски ја преплавија полицијата, судството, здравството и образованието, додека професионалците и луѓето кои не се сложуваат со власта-се исфрлени на улица“, рече вчера лидерот на опозицијата Зоран Заев објавувајќи нови наводно прислушувани аудио снимки.
Слично
Поврзани вести
