Недоразбирањата треба да се решат институционално, според правилата на ЦЕФТА, повика претседателката на Косово, Атифете Јахјага. Таа упати апел до владите во Приштина и во Скопје да најдат заедничко решение за да се нормализира слободниот проток на стока и луѓе меѓу двете земји. „Косово и Македонија се во процес на евроинтеграција и за да ја постигнат таа цел треба меѓусебно да си помагаат. Слободното движење на луѓе и стока е еден од основните предуслови за добри меѓусоседски односи и евроинтеграции“, изјави Јахјага по средбата во Приштина со словенечкиот пртседател, Борут Пахор. Косовската влада вчера ги повика своите граѓани да избегнуваат да патуваат во Македонија, освен во итни случаи.