Апетитите за евтина енергија повторно го  оживуваат ископувањето на јаглен, кое сепак го зголемува загадувањето на воздухот и брише населени места, пишува Bloomberg. Рударските компании од Германија до Полска и Чешка повторно почнуваат екстракција на јаглен. Оваа политика е во спротивност со политиката на Европската комисија за ограничување на емисиите на јаглерод диоксид и за производство на "зелена" енергија. Но властите ги затвораат очите за оваа експанзија на рударството, поради двојно повисоките цени на енергијата во однос на оние во САД . Не само на животната средина , сепак се покажува како  заложник и на бизнис амбициите . Прошим , село со 700 -годишна историја , ќе треба да исчезне од картата на Германија заради експанзијата на шведската државна компанија Vattenfall . Компанијата поднела апликација за уривање на зградите во селото , лоцирано во близина на полско- германската граница . Лигнитите се со послаб квалитет од антрацитните , но се наоѓаат на помала длабочина и нивниот принос е поефтин . Употребата на овој вид  јаглен се намалува за 40% помеѓу 1990 и 2010 година откако владите во земјите од поранешниот социјалистички блок ги затворија застарените индустриски фабрики. Рударството оживува со полна пареа и во Полска . Земјата произведува 90 % од електричната енергија во централите на јаглен , обезбедувајќи ја на тој начин својата енергетска безбедност и повисока вработеност . Слична е ситуацијата и во Чешка . Енергетската компанија CEZ произведува 48% од електричната енергија од електрани на јаглен . Плановите во оваа година се рударството единица на компанијата да го зголеми приносот со 6 % до 21,4 милиони тони. К.К.