Денеска генералниот секретар на координативната средба во Собранието на Република Македонија се очекува да го достави извештајот за редовноста на пратениците. Овој извештај  претседателот на Собранието и координаторите на пратеничките групи треба да го достават до Комисијата за мандатно - имунитетни прашања, која пак во рок од 15 дена треба да донесе заклучок и да предложи тој да биде ставен на дневен ред на собраниска седница.

На 10-ти овој месец истекоа шест месеци од верификацијата на 34-те мандати на пратениците од опозицијата од страна на Собранието а само три пратенички од 34-те  народни избраници се вклучија во работата на Собранието и во истиот момент се спротиставија на ставот на опозицијата за бојкот на Парламентот.

СДСМ и помалите опозициски партии се изјаснија дека не се враќаат во Парламентот.