Бомба во беспилотнoто воено летало што се урна во четвртокот во Загреб, тежела 120 килограми и експлодирала под земја, јави Хрватската радио-телевизија, повикувајќи се на извори од Министерството за одбрана (МО), кое тврди дека последиците би биле катастрофални доколку леталото удрело во асфалт или бетон.

ХРТ наведува дека „висок извор во Министерството за одбрана“ тврди дека бомбата била пронајдена во леталото тешко до 120 килограми, но дека удрила во меко тло и експлодирала под земја.

„Доколку удрела во асфалт или бетон, последиците би биле катастрофални“, објави за ХРТ неименуван извор од Министерството за одбрана.

Поголемиот дел од военото беспилотно летало воен од советско производство беше извлечен вчера, откако во четвртокот се урна во близина на Студентскиот дом на Сава. Хрватскиот министер за одбрана Марио Баножиќ потврди дека во кратерот се пронајдени траги од експлозив и делови од воздушна бомба, кои велат дека не се работи за извидувачки авион.

Агенцијата Хина нагласува дека истрагата е во тек, а во медиумите може да се слушнат и спротивни мислења на воените аналитичари кои тврдат дека не се работи за воздушна бомба туку за експлозија на систем за самоуништување на опрема и податоци.

Хина ја наведува оценката на пилотот на хрватското воздухопловство, Иван Селак, кој тврди дека е „речиси сигурен“ дека не се пронајдени фрагменти од воздушната бомба, бидејќи „да имало експлозив внатре, немало да има половина крило на студентскиот дом денеска“.