Ненад Периш, таткото на Матеј кој исчезна пред нешто повеќе од пет месеци во Белград, за Информер вели дека секогаш кога ќе слушне дека тело е извлечено од реката Сава, силно се вознемирува.

-Секогаш кога ќе слушнам дека телото е извадено од водата, се згрозувам. И кога дознавам дека не се работи за мојот Матеј, помислувам на родителите на тој човек, неговите роднини и пријатели... верувам во Господ и дека е милостив и не ја доведувам во прашање неговата одлука. Она што би сакал да го знам е вистината, каква и да е - вели Ненад Периш.

- Знам дека работат и се обидуваат да најдат одговори. Им помагам колку што можам, им испраќам одредени информации. Им верувам и убеден сум дека прават се што е во нивна моќ. И затоа сум им неизмерно благодарен. Додека бев во Белград, стапив во контакт со епископите на СПЦ, се молиме секој ден. Ние сме едно во молитвата - вели Периш и повторува дека пред се верува во Бог.

Наскоро планира повторно да дојде во Белград.

- Се уште не сум решил точно, но треба да дојдам наскоро - изјавила Периш за Информер.

Младиот Хрват Матеј Периш исчезна ноќта помеѓу 30 и 31 јануари 2021 година, пред белградскиот клуб „Готик“, и од засега непознати причини го напушти клубот. Потоа му се губи секаква трага на шеталиштето покрај реката Сава.

Потрагата по исчезнатиот млад човек се уште трае.