Управниот одбор на НЛБ Банка наскоро со нов член. Согласно инфомрациите кои компанијата ги објави на Македонска берза, од почетокот на следната година во УО нов член ќе биде Кирил Бухов. 

Од Банката исто така известија дека се продолжува мандатот на Катерина Јанковиќ, која ќе биде дел од УО во следните четири години. 

Со започнување на мандатот на Бухов, завршува мандатот на досегашниот член Игор Давчевски.

- Ве известуваме дека на ден 18.11.2025 година од страна на Народната Банка на Република Северна Македонија се издадени Решенија со кои се издава претходна согласност за именување/реименување на:

- г-ѓа Катерина Јанковиќ, која е реименувана за Член на Управен одбор со мандат од 4 (четири) години, започнувајќи од 30.01.2026 година

- г-дин Кирил Бухов, кој е именуван за Член на Управниот одбор, со мандат од 1 (една) година, започнувајќи од 03.01.2026 година 

Со издавање на Решението од НБРСМ за именување на г-дин Кирил Бухов, Ве известуваме дека престанува мандатот на г-дин Игор Давчевски, Член на Управниот одбор на НЛБ Банка АД Скопје, заклучно со 02.01.2026 година - се појаснува во соопштението објавено на Берза. 

Фото: Кирил Бухов и Игор Давчевски /Принтскрин/ Социјални мрежи