Употребувајќи го името градоначалникот на Њујорк Мајкл Блумберг, Елдин Комад од БиХ успеал да ја измами локална агенција за рент-а-кар возила. Како што пишува весникот „Дневни аваз“, малку недостигало измамата да успее.Имено Босанецот бил откриен во последен момент, благодарение на внимателноста на сопственикот на агенцијата. Со тешко  полициско досие и голем стаж за измами во минатото, Комад пронашол на интернет копија од возачката дозвола на Блумберг, ја скенирал и ја поднел заедно со барањето за изнајмување автомобил од агенцијата. Рекол дека се вика Нермин Салиховиќ, и работи во (УСАИД), па има потреба од возило на околу два месеци. Ооднел и копија од пасошите на двајца американски државјани, кои исто така ги пронашол на интернет, нагласувајќи дека и тие ќе го користат автомобилот. Сепак сопственикот на агенцијата се посомневал кога Комад побарал договорот да биде склучен на име на Нермин Салиховиќ, а не на Блумберг. Тој се јавил во канцеларијата на УСАИД во Сараево, каде добил информација дека не познаваат лице. Дури и го прашале сопственикот наагенцијата“навистина ли поверувал дека градоначалникот на Њујорк може да отсуствува 72 дена од работа“.