Државната изборна комисија (ДИК) ја објави излезноста на првиот круг од петтите претседателски избори во Македонија до 10 часот утрово. Излезноста на ниво на Македонија е 9,16%, односно гласале 139.846 гласачи, објави ДИК, нагласувајќи дека сеуште не се пристигнати податоци од сите избирачки места. Според информациите на Централната изборна комисја, излезноста е најголема во Прилеп каде што гласале 8503 гласачи или 15,43% од вкупно запишаниот број на избирачи. Во Битола е забележан одзив од 13%, Струмица 10,81%, Штип 13, 94%, Гази Баба 9,21%, Куманово 7,37%, Велес 14,59%, Аеродром 10,47%, Центар 10,8%, Ѓорче Петров 10,59%. Најслаба е излезноста во Арачиново, каде што до 10 часот гласале само 80 гласачи или 0,92% од вкупно запишание во избирачкиот список. Ниска излезност е забележана и во Врапчиште 1, 11%, Центар Жупа 2, 24%, Тетово 3,7%. Според ДИК, засега не се забележани нерегуларности, а сите избирачки места утрово биле навреме отворени.