Целосно изгоре фабриката за производство на биодизел гориво во близина на Струмица, на магистралниот пат кон Радовиш. Погонот, кој се наоѓа во индустриската зона Василево, целосно е опожарен, а изгоре и еден од резервоарите за гориво. Материјалната штета е огромна. Во пожарот нема повредени, а вработените кои биле на работните места поминале само со ситни гребаници и навреме успеале да го напуштат објектот. „Во гаснењето на пожарот учествуваа 16 пожарникари и пет противпожарни возила. Стигнавме за 5 до седум минути и извршена е брза локализација на пожарот. За среќа нема повредени, а во гаснењето користивме и пенило за брза локализација“, рече Мијалче Крстев, командир на ТППЕ Струмица. Допрва ќе се утврдуваат и причините за огнената стихија која ја проголта фабриката.