Со 58 гласа ЗА е изгласан законот за отпис на долговите на компаниите кои имаа обврски за камати по основ на Пензиско и инвалидско осигурување. Пратеникот Изет Зеќири остро се спротивстави на донесувањето на овој закон. - Ова е дискриминација на фирмите кои редовно си пплаќаат. Се поттикнуваат елементи на фискална евазија, да одбијат да плаќаат во иднина, бидејќи ќе очекуваат нова ваква мерка и затоа може да се случи сега да не плаќаат. Ова нема да поттикне подобрување на состојбите во стопанството. Зеќири вели дека пензискиот систем е пред колапс, и ако нема финансиски трансфери кон фондот нема да може да се исплатат пензии. - Потребни се коренити реформи за зголемување на вработувањето. Ситуацијата 1, 7 вработени на еден пензионер, додека во регионот е 3 спрема еден. Тоа е одржливо, а не е одржлива оваа ситуација во Македонија, вели Зеќири. Тој смета дека стопанството ќе се подобреше доколку државата си ги платеше обврските кон компаниите, а вакви паушални мерки нема да помогнат. Пратениците од Власта, пак го бранеа предлогот со ставот дека една одговорна и сигурна Влада е должна да носи антикризни мерки кои ќе помогнат во справување со кризата. - Се отпишуваат камати настанати токму во време на криза, што е обид да се вратат компаниите на добар колосек. Не гледам зошто негативна енергија и напади кон Владата која наоѓа начин да го води кормилото на вистински начин. Ова ќе помогне на ранливите стопански субјекти да ја надминат кризата, изјави пратеникот Јордан Бацков.