Во услови на миграциона криза постои голема опасност од присуство на терористички борци. Ова предупредување го упати македонскиот претседател Ѓорге Иванов за време на прославите поврзани со годишнината од Илинденското востание крај Куманово, во североисточниот дел на земјата.

„Вториот миграционен бран е на хоризонтот. Регионалните кризи и конфликти на Блискиот Исток и Северна Африка ги зголемуваат ризиците и ја загрозуваат безбедноста на Република Македонија“, рече уште Иванов и повика на активности во услови на трајна терористичка закана.

Македонскиот претседател се огласи и за национално помирување и жртвување на личните и тесно партиските интереси во име на државните. „Треба да се обединиме во име на иднината на нашите деца. Да создадеме култура на дијалог и компромис, како и чувство за единство на државните интереси. Повикувам да водиме преговори во рамките на институциите, а не по странските амбасади. Да бараме поддршката од граѓаните, а не од меѓународните фактори“, рече уште Иванов.