Итно се потребни 20.000 доставувачи: Хаос во „најсреќната земја во светот“
Во Финска, околу 20.000 луѓе моментално чекаат компанијата „Волт“ да ги прифати како доставувачи на храна, во време кога невработеноста достигнува 10,6 проценти - највисоко ниво во Европската Унија.
Според медиумите, веќе има доставувачи кои се подготвени да им платат на регистрираните „курири“ помеѓу 450 и 900 евра месечно, или дури и една третина од нивната дневна заработка, за да можат да работат преку нивниот договор. На овој начин, оние кои веќе имаат друга работа формално го задржуваат својот статус на возачи за доставување и го „изнајмуваат“ своето место на невработените. Платформата потврди сознание за таквата практика и најави мерки за борба против неа.
Недостаток на работници - но не во сите професии
Борбата за работни места за доставување е само дел од поширокиот проблем на финскиот пазар на трудот. Проценките велат дека околу 300.000 луѓе се невработени, додека во исто време недостасуваат експерти во одредени области - ИТ секторот, здравството, зелената транзиција и други висококвалификувани занимања. Овие позиции честопати не можат да бидат пополнети од постојните баратели на работа.
Најголемиот број невработени се лица со средно образование, но и високообразовани кадри, особено социолози и економисти.Меѓу невработените под 30 години, дури 27.000 не работеле ниту еден ден, што претставува речиси една десетина од вкупниот број невработени, пренесува Б92.
foto freepik.com
Слично
Поврзани вести
