ИТАЛИЈАНЦИТЕ СЕ ЖАЛАТ: Војната во Иран „удри“ и по бизнисот со кафе
Војната „удри“ и на кафето, а тензиите околу Ормутскиот теснец влијаат на италијанските компании.
„Кризата на Блискиот Исток, заедно со одредени проблеми со снабдувањето, сè повеќе го комплицира работењето на италијанските компании за печење кафе“, изјави Микеле Монцини, потпретседател на италијанскиот комитет за кафе во Unione Italiana Food, во интервју за Comunicaffé, објави логистичкиот портал Pluton.
Од една страна, тензиите во Црвеното Море и Ормутскиот теснец го продолжија времето на транспорт и ги зголемија трошоците за логистика до Европа, додека секторот сега се соочува и со недостиг на суровини од Бразил и Виетнам, земји кои сочинуваат повеќе од половина од светското производство и се погодени од „екстремни климатски настани“, пишува supplychainitaly.it. Како што известува „Плуто логистик“, помалата достапност на сурово кафе (односно непечено) се чувствува и во Колумбија и Индонезија, иако, како што објаснува Монцини, очекуваните обилни жетви во Бразил, Виетнам и Индонезија во текот на 2026 година, исто така, придонесуваат за намалување на нестабилноста на цените.
Севкупно, секторот продолжува да го диверзифицира своето потекло, фокусирајќи се на алтернативни пазари како што се Колумбија, Хондурас, Уганда, Индија и Индонезија.
Проблемите што влијаат особено на поморскиот транспорт – прво блокадата на Црвеното Море, а сега и на Ормускиот теснец – ја наметнаа потребата од долгорочно планирање отколку што беше случајот претходно, со однапред планирани синџири на снабдување и подобро управување со залихите.
Слично
Поврзани вести
