Грција планира да почне разговори со кредиторите за да го одложи плаќањето на долгот, со што би го направиле поднослив,истовремено работејќи на реформски мерки кои треба да се дефинираат до април, изјави вчера грчкиот министер за финансии Јанис Варуфакис. Министерот Варуфакис нагласи дека приоритет на Грција ќе биде исплата на долговите кон Меѓународниот монетарен фонд (ММФ),каде до март треба да исплатат 1,5 милијарди евра. Тој рече дека долговите од 6,7 милијарди евра кон Европската централна банка (ЕЦБ) припаѓаат кон различна категорија за која ќе мора да разговараат со партнерите и институциите.