Заканата од терористите на „Исламска држава“ се приближува се повеќе до Западна Европа. Според информациите на луѓето од службите за безбедност „Велт ам Зонтаг“, Западен Балкан веќе станаа влез за џихадистите кон конфликтните региони.

Овој развој предизвикува се поголема загриженост кај меѓународната заедница. Германските тајни служби го набљудуваат неколку месеци трендот на Западен Балкан за изградба на зголемен број мрежи на радикални исламисти. Во Босна и Херцеговина, Албанија и Македонија салафистки имами регрутираат борци за судба во конфликтите во Сирија и Ирак. Само од Косово за кризните региони заминале 250 џихадисти што е измерено спрема населението, ја прави таа држава рекордер во овој поглед во Европа.

Освен тоа Западен Балкан служи за најпосакувана транзитна точка на патот на исламистите кон Блискиот Исток. Џихадистите од Германија, Франција, Белгија, Австрија и Холандија одат од таму со автомобили. „Претпоставуваме дека таму се одвива и своевидна иницијална обука на џихадисти“, тврди претставник на тајните служби.

Балканските држави не служат само за бирање на радикални исламисти. Тие се и премин на патот назад, каде е можна подготовка за терористички напади. Во април член на „Исламската држава“ извршил напад врз полициска станица во босанскиот град Зворник, при што уби еден полицаец и рани други двајца. Ова предизвика голема операција во целата земја по претрес и апсења на радикални исламисти.

Германското Министерство за внатрешни работи, зборува за зголемената опасност, која произлегува од враќањето на радикалните исламисти од боиштата во Блискиот Исток. Според информациите на „Велт ам Зонтаг“ оваа недела германските служби ќе информираат на затворената седница пред пратениците од Бундестагот за специфичната закана која произлегува од Западен Балкан.

Американскиот Стејт департмент постојано предупредува за големиот број џихадисти поврзани со калифатот, од регионот на Западен Балкан. Американското Министерство за правда веќе помага во регионот за гонењето на џихадистите вратени од кризните земји.