Според различни медиуми, услугата на баба за изнајмување во Јапонија чини околу 19 до 21 евро на час, а со трошоците за пристигнување, вкупниот износ е од 38 до 41 евро на час. Клиентите се на различна возраст.

Имено, осаменоста и изолацијата на старите лица станаа исклучително голем проблем таму, па бабите нудат прегратки, разговор, совети и топол оброк, а за возврат добиваат работа, односно финансиска компензација.

Оваа иницијатива за изнајмување баби во Јапонија создава нови работни места во општество кое често ги занемарува искуството и вештините на постарите жени. Инаку, 69-годишната Таеко Каџи од Токио нуди животни совети на секој што ќе ја вработи, подготвува оброци и помага со домашните работи доколку сака.

Според податоците од 2024 година, учеството на жените во постојан работен однос е сè уште највисоко во возрасната група од 25 до 34 години. Се очекува бројот на постари жени на пазарот да расте бидејќи тие често немаат работно искуство поради паузи во кариерата. Малкумина од нив можат да живеат само од својата пензија. Бидејќи Јапонија има едно од најстарите популации во светот, постои растечка потреба од иновации што ги комбинираат грижата, заедницата и вработувањето, објавува „Послован дневник“.

foto freepik.com