На местото на костените кои беа обележје на Скопје, на плоштадот „Македонија" започна изградбата на новиот споменик на Мајка Тереза.

Споменикот ќе има висина од 32 метри, а од Министерството за култура е именувано како „објект со скулптурална композиција“.

Скулптурата ќе се состои од порта, украсена со богата релјефна пластика во бел мермер на која ќе бидат поставени бронзени скулптури, ќе има и неколку ангели како и фонтана со ефект на магла.

Проектот ќе го гради скопски „Бетон“ и треба да биде готов за 18 месеци.

За изградба на споменикот фирмата од Министерството за култура доби околу 5,6 милиони евра. Зад идејното решение за споменикот стои Валентина Стефановска и Кирил Мукаетов.

Овој споменик требаше да биде донација и Индиецот Субрата Рој, но откако тој заврши во затвор оваа градба одлучи да ја финансира министерството.