Иран почна да наплаќа за премин низ еден од клучните светски поморски патишта за транспорт на нафта и гас.

Некои комерцијални бродови сè повеќе минуваат низ иранските територијални води преку таканаречениот „Техерански коридор за патарина“, каде што иранските сили ги проверуваат бродовите и во некои случаи наплаќаат за премин, според анализата на поморските податоци од Lloyd's List, пренесува Каматица.

„Најмалку два брода му платиле на Иран за безбеден премин, а една компензација била околу два милиони евра“, се наведува во анализата.

Станува збор за рута помеѓу два ирански острови преку која бродовите влегуваат во ирански води за да избегнат безбедносни ризици во други делови од теснецот.

Според достапните податоци, повеќе од 20 поголеми бродови поминале низ овој коридор.

Сообраќајот низ Ормутскиот теснец е сè уште намален поради конфликтот во регионот, но во последните денови е забележано мало закрепнување. За краток временски период, најмалку 16 бродови поминаа низ теснецот.