САД му издадоа општа лиценца на Иран за продажба на нафта.

Министерството за финансии на Соединетите Американски Држави(САД) издаде општа лиценца за Иран со која се овластува производство, испорака и продажба на сурова нафта и петрохемиски производи и нафтени производи од иранско потекло до 21 август.

Според меморандумот за разбирање потпишан минатата недела меѓу Вашингтон и Техеран, САД се согласија да издадат исклучоци за извоз на иранска сурова нафта, нафтени производи и деривати, како и за сите поврзани услуги, вклучувајќи банкарски трансакции, осигурување и транспорт, објави Ројтерс.

Трансакциите овластени со општата лиценца вклучуваат увоз на сурова нафта, петрохемикалии и нафтени производи од иранско потекло во САД.

Лиценцата не овластува трансакции што ги вклучуваат Северна Кореја или Куба.