Ако инвеститорите имаат чувство дека се наоѓаат во непознати води што се однесува до моменталната состојба на пазарот, најдобро да се вратат назад во 2011 година Тоа беше годината во која Банката на федерални резерви ја прекина втората фаза на програмата за откуп на средства, која го испрати балансот на централната банка на САД до рекордни 4,5 трилиони долари. Тоа беше исто така и годината кога берзата постигна експанзија од 190% по рекордното дно од март 2009 година Раст, кој сепак беше проследен со корекција - токму по непишано правило на Wall Street. При овој пад S & P 500 загуби со 19%, или само еден процентен поен под навлегувањето во пазарот. Причина општо земено беше европската должничка криза, која ги фрли инвеститорите во паника. Истовремено и остатокот од светот се уште беше во хаос. Да се вратиме повторно кон оваа 2014 година ФЕД повторно се обидува да стави крај на квантитативните олеснувања покрај глобалниот контекст кој е помалку од привлечен. Дел од Европа е во дефлација, загриженоста за растот во Кина продолжува, а исламските екстремисти додаваат нова доза нестабилност на Блискиот Исток. Можеби очекувано Wall Street се разниша, постигнувајќи серија на троцифрени растови и падови. Движења кои повторно доведоа до загриженост. Најпопуларната меѓу инвеститорите прогноза за корекција од околу 10 проценти има голема шанса да стане реалност, ако сценариото од 2011 година се повтори. Економски гледано, САД изгледаат во значително подобра состојба во споредба со времето кога сеуште беа вчудоневидени од финансиската криза. Добивката на приватниот сектор продолжува да се зголемуваат - нешто во кое САД изгледаат подобро позиционирана отколку голем дел од развиениот свет. И сето тоа иако ФЕД ги држи краткорочните каматни стапки закотвени во близина на нула. Однесувањето на пазарот на крајот може да не значат суштинска корекција на хоризонтот, туку еден пазар во кој нестабилноста ќе се претвори во клучен збор. Сепак Сигмунд Холмс предупреди за претерано брзото отфрлање на можноста за повеќе штета на пазарот. "Ќе видиме. Ако ситуацијата продолжи да се развива на сличен начин како во 2011 година, имам сомневање дека всушност тоа може да се претвори во поголема корекција. Останете будни!", Посочи на блогот Холмс. К.К.