Посебната парламентарна комисија  го објави предлогот за интерпелација на претседателот Ѓорге Иванов за неоснован.

Започнувањето на постапката за отстранување од должноста на државниот шеф беше предложен во април од опозицискиот Социјалдемократски сојуз на Зоран Заев.

Повод беше одлуката на Иванов од 12 април да ги прекине сите истраги против македонски политичари, со цел стабилност пред парламентарните избори на 5 јуни.

Претседателот тврди дека неговите активности се целосно усогласени со уставот на земјата и имал најдобри намери.

Одлуката предизвика нов бран незадоволство во земјата, во голема мера предводено од СДСМ, барајќи негова оставка . На крајот изборите беа откажани, а парламентот свикан повторно.

Иванов ја поништи амнестијата на 22 лица, а и ја воведе можноста секој друг од помилуваните да поднесе барање со која истрагата против него да продолжи. Во самиот крај на минатиот месец продолжи парламентот со формирање специјална комисија за оценување на основаноста на предлогот за отворање на постапка за утврдување одговорност на претседателот.

Токму таа сега пресуди со 6 гласа "за" и 4 "против", дека активностите на Иванов не укажуваат на започнување импичмент.

Одлуката нема да запре со расправата на постапката во пленарната сала, што претстои на 13 јуни.

Практично 6-те гласа "за" се на претставниците на владејачката ВМРО, која има мнозинство во важечкиот парламент, додека 4-те против се од оние на СДСМ и ДУИ. Одлуката на комисијата е поддржана со 5-страничен извештај.

"Владејачкото мнозинство обезбеди мнозинство во Комисијата, поради што не очекувавме дека ќе имаме темелна постапка, што е практика во демократските земји", вели Рената Декоска од СДСМ. Според неа во комисијата немало темелно разгледување на доказите и утврдување на фактите.

Политичката криза продолжува веќе повеќе од една година.

Таа беше предизвикана од објавените записи на телефонски повици од Зоран Заев и СДСМ во кои беа вклучени клучни фигури од владејачката ВМРО-ДПМНЕ за корупција и злоупотреба на службената положба.

По неколку месеци на протести дојде до Договорот од Пржино склучен под покровителство на ЕУ, меѓу 4-те главни политички сили. Тие се согласија на спроведување на претходни парламентарни избори оваа година. СДСМ сепак ја повлече согласноста за избори, бидејќи според партијата во земјата нема услови за фер избори. Со оваа оценка последователно се согласија Брисел и Вашингтон, што доведе до откажување на изборите и ново свикување на стариот парламент.