Во нај­го­лем дел од ма­ке­дон­ски­те до­ма­ќин­ства се ко­рис­тат ин­тер­нет, те­ле­фон и те­ле­визи­ја во па­кет и овој про­цент на крајот од 2016 година бе­ле­жи раст од 11 от­сто во спо­ред­ба со претходната година.

Спо­ред ана­ли­за­та на па­за­рот на Аген­ци­ја­та за елек­трон­ски ко­му­ни­ка­ции (АЕК), од вкуп­но по­ло­ви­на ми­ли­он до­ма­ќин­ства во зем­ја­ва, во 358.099 од нив се ко­рис­тат ус­лу­ги вр­за­ни во па­кет, а нај­го­лем дел од прет­плат­ни­ци­те ко­рис­тат три ус­лу­ги ис­тов­ре­ме­но и тоа: фик­сна те­ле­фо­ни­ја, ши­ро­ко­по­ја­сен прис­тап на ин­тер­нет и те­ле­ви­зи­ја. Та­ка, нај­по­пу­лар­ни­от па­кет, кој ги вклу­чу­ва овие три ус­лу­ги го има во 160.377 до­ма­ќин­ства или 44,7 от­сто од си­те па­ке­ти.

Најголем раст е забележан кај претплатниците користат четири услуги врзани во пакет и тоа: фиксна телефонија, мобилна телефонија, широкопојасен интернет и ТВ услуги. Лани се забележани 41.425 вакви корисници и нивниот број и е зголемен за 106 отсто во споредба со претходната година. Ток­му вр­зу­ва­ње­то на ус­лу­га­та во па­кет со мо­бил­ни раз­го­во­ри или со ка­бел­ска и ин­тер­нет-те­ле­ви­зи­ја е оп­ци­ја­та што ја ко­рис­тат опе­ра­то­ри­те за да ја одр­жат во жи­вот фик­сна­та те­ле­фо­ни­ја, ко­ја ве­ќе го из­гу­би че­ко­рот со дру­ги­те по­нап­ред­ни фор­ми за ко­му­ни­ка­ци­ја.

Тројца на врвот

- Мо­же да се за­бе­ле­жи де­ка од вкуп­ни­от број на прет­плат­ни­ци­те што ко­рис­тат ус­лу­ги во фик­сна те­ле­фо­ни­ја 80 от­сто ја ко­рис­тат оваа ус­лу­га вр­за­на во па­кет. Од вкуп­ни­от број прет­плат­ни­ци што ко­рис­тат ши­ро­ко­по­ја­сен прис­тап на ин­тер­нет 86 от­сто ја ко­рис­тат оваа ус­лу­га вр­за­на во па­кет, а од вкуп­ни­от број на прет­плат­ни­ци што ко­рис­тат ТВ-ус­лу­ги 75 от­сто ја ко­рис­тат оваа ус­лу­га вр­за­на во па­кет - ве­лат во Аген­ци­ја­та за елек­трон­ски ко­му­ни­ка­ции.

Спо­ред ана­ли­за­та на па­за­рот нап­ра­ве­на од АЕK, нај­го­лем број прет­плат­ни­ци што ко­рис­тат три елек­трон­ски ко­му­ни­ка­ци­ски ус­лу­ги вр­за­ни во па­кет на крајот од 2016 година има „оне.Вип“ со 50 отсто удел на па­за­рот, потоа сле­ду­ва „Македонски телеком“ со 38,5 от­сто и „Ро­би“ со 11 от­сто.

По­ев­ти­на­та це­на на па­ке­тот во спо­ред­ба со по­е­ди­неч­ни­те це­ни на ус­лу­ги­те (74,9 от­сто) е глав­на при­чи­на ко­рис­ни­ци­те да зе­мат ус­лу­ги во па­кет, покажува анкетата на АЕК. За по­ве­ќе од ед­на тре­ти­на од ис­пи­та­ни­ци­те (36,5 от­сто) што не ко­рис­тат ус­лу­ги во па­кет преч­ка за тоа прет­ста­ву­ва не­пот­реб­на­та ус­лу­га, ко­ја е вклу­че­на во па­ке­тот, а за 32,8 от­сто преч­ка претставува жел­ба­та да не се об­вр­зу­ва­ат со еден опе­ра­тор за да има­ат по­го­ле­ма сло­бо­да при из­бо­рот на ус­лу­ги­те. Око­лу ед­на пет­ти­на од ис­пи­та­ни­ци­те (21,2 от­сто) ве­ру­ва­ат де­ка услугите се по­ев­ти­ни ако ги ко­рис­тат по­е­ди­неч­но и од таа при­чи­на не ко­рис­тат па­кет-ус­лу­ги.

Повеќе фиксни оператори, помалку повици

И покрај тоа што се зголемува понудата на пазарот на фиксна телефонија односно работат повеќе оператори кои нудат различни услуги до крајните корисници, целокупниот обем на сообраќај во 2016 година во однос на претходната година бележи опаѓање за 22,4 отсто, односно 368.370 фиксни корисници разговарале 256 милиони минути за разлика од 2015 кога е регистриран сообраќај од 330 милиони минути.

Истото се забележува и во однос на вкупниот број на појдовни повици, тој параметар за една година е е намален за 23 отсто, од 129 милиони повици на 99,8 милиони фиксни телефонски повици.