Министерката за култура Елизабета Канческа-Милевска денеска во Домот за нега на стари лица „Милица“ во Кисела Вода ја посети македонската музичка легенда Вања Лазарова. Вроди со плод иницијативата покрената од група граѓани на социјалните мрежи, кои побараа институциите да се заинтересираат за Лазарова и да и доделат статус национален уметник и државна пензија. Таа тоа и самата го побарала, но била одбиена. Поддршка на оваа легенда на македонската музика упати и музичарот Златко Ориѓански кој се обрати со писмо до премиерот Никола Груевски и министерката за култура и јавно побара да објаснат зошто барањето на Лазарова е одбиено.