Индустриското производство во ноември поголемо од октомври
Индустриското производство регистрираше пад од 6,5 отсто во периодот од јануари до ноември годинава споредено со истиот период од мината година. Пад има и на месечно ниво, односно во ноември годинава споредено со ноември 2011 година индустријата бележи пад од 4,4 отсто, објави Државниот завод за статистика.
Позитивен сигнал е дека индустриското производство во неомври годинава во однос на октомври има раст од 5,3 отсто. Гледано по сектори, индустриското производство во секторот Рударство и вадење на камен во ноември 2012 година, во однос на ноември 2011 година, бележи пораст од 0.9%, во секторот Преработувачка индустрија бележи опаѓање од 2.8%, а во секторот Снабдување со електрична енергија, гас, пареа и климатизација опаѓање од 17.8%.
Според главните индустриски групи, производството во ноември 2012 година, во однос на ноември 2011 година, бележи опаѓање кај Енергија за 20.7%, Капитални производи за 13.0% и Нетрајни производи за широка потрошувачка за 4.8%, додека бележи пораст кај Интермедијарни производи, освен енергија за 5.8% и Tрајни производи за широка потрошувачка за 7.9%.
Слично
Поврзани вести
