За само една година се отворени 20.000 работни места на ниво на држава и невработеноста е намалена за 3%, изјави премиерот Ѐмил Димитриев. Македонија сега го има рекордно ниското ниво на невработеност од 24.6%. Подобрена е комуникацијата на АВРМ со компаниите кои бараат работна сила. Во иднина Владата ќе го стимулира практиканството, а работодавците ќе имаат увид каков кадар имаат на располагање. „Намалувањето на невработеноста е резултат на повеќе реализирани мерки и политики на Владата. Повеќе институции беа вклучени во оваа активност, но најзаслужна е Агенцијата за вработување“-изјави Димитриев. Премиерот вели дека ќе има дополнителен пад на невработеноста затоа што се најавени нови инвестиции, а ќе се зголеми и обемот на работа на постојните компании. На оваа тема, Светска банка Македонија ја рангира заедно со БИХ и според податоци од Светска банка, невработеноста изнесува 27.9%. Други податоци кои неодамна беа објавени во врска со невработеноста, покажуваат дека 48% од невработените се млади на возраст од 14 до 25 години и се смета дека немањето работа ги принудува младите да се иселат од државата.