Грчките власти уапсија четири лица на возраст од 17 до 36 години за  нападот врз градоначалникот на Солун, Јанис Бутарис . Екстремните националисти се обвинети за тешки телесни повреди и прекршување на јавниот ред и мир.

Тие се обвинети за нарушување на јавниот мир, за нанесување повреди и за предизвикување штета. Тројцата полнолетни ќе бидат изнесени на суд, а на малолетникот ќе му суди судот за малолетници и во моментов се наоѓа на слобода.

Според грчките медиуми тие се изнесени пред јавен обвинител. Градоначалникот на Солун пред судот ќе се појави како физичко лице – жртва на нападот.

Тој поднесе тужба против неидентификувани лица и ќе биде сослушан како сведок.