Постигната е согласност за дел од американскиот предлог за динарот. 

Претседателката на Косово, Вјоса Османи изјави дека прашањето за српскиот динар во Косово мора итно да се реши и дека веќе има договор за дел од американскиот предлог за тоа прашање.

Од 1 февруари, Централната банка на Косово (ЦБК) почна да применува нова регулатива, со која се утврдува дека еврото е единствената валута што се користи за плаќање во готовина. Со тоа динарот е исклучен од употреба.

Според Османи, би било идеално да се постигне договор во Брисел на 19 март во рамките на дијалогот меѓу Косово и Србија, на ниво на главните преговарачи. Инаку, Србите на Косово се жалеа дека без динарот им е загрозен опстанокот. Западните земји реагираа до Приштина да најде излез за овој проблем.