Синџирот продавници за мебел ИКЕА најави дека ќе ги зголеми цените во просек за девет отсто бидејќи сè уште не гледа крај на прекините во снабдувањето, што ги зголемуваат трошоците за суровини и транспорт.

Цените ќе се зголемат во просек за околу девет отсто на сите пазари, со разлики од земја до земја во зависност од степенот на инфлаторните притисоци, вклучително и проблемите со стоките и синџирот на снабдување, соопшти Групацијата Ингка.

ИКЕА веќе објави дека изнајмува повеќе чамци, купува контејнери и ја пренасочува стоката помеѓу магацините за да ги ублажи нарушувањата во синџирот на снабдување, но дека сега е принудена да ги префрли трошоците на клиентите бидејќи очекува прекините да продолжат.

„За жал, сега, за прв пат откако повисоките трошоци почнаа да влијаат на глобалната економија, треба да пренесеме дел од овие зголемени трошоци на нашите клиенти“, рече менаџерот за малопродажба Толга Ончу.

„ИКЕА продолжува да се соочува со значителни ограничувања во транспортот и (набавката) на суровините, што ги зголемува трошоците и не очекуваме никакво подобрување во догледна иднина“, се вели во соопштението. Тие додадоа дека очекуваат нарушувањата да продолжат до 2022 година.

Групата Ингка забележа силна побарувачка за време на пандемијата бидејќи луѓето главно поминуваа време дома. Тие се организирани како систем на франшиза, со Ингко како главен примател на франшизата со 392 продавници и Интер ИКЕА како провајдер.

Извор и фото: Индекс.хр