Икеа во вторникот објави дека го повлекува Patrull ноќното светло, и ги моли купувачите кои го имаат тој производ да не го користат и да го вратат во било која Икеа продавница со што ќе им бидат вратени парите, а доказ за купувањето, односно фискална сметка не е потребна.

Напоменуваат како  Patrull ноќното светло, е тестирано во согласност со сите применливи закони и стандарди. И покрај тоа, Икеа примила извештај од Австрија според кој детенце од година дена и седум месеци за време на играњето со  Patrull ноќното светло се обидело светлото да го извади од штекерот и поклопката на светлото испаднала. Детето доживеало струен удар и се здобило со повреди на рацете.

Икеа, се наведува во објавата за медиумите, веднаш преземала итни мерки и Patrull ноќното светло е тргнато од продажба.

Во текот на истрагата која следела тестирани се повеќе од 600 Patrull ноќни светилки и е потврдено дека сите производи се исправни. И покрај тоа, Икеа одлучила да го повлече производот како би се избегнал ризик од понатамошни инциденти.

Patrull ноќното светло во продажба во Европа и Сверна Америка е од 2003 откога се продадени отприлика 2,58 милиони. Во Хрватска од отворањето на продавницата Икеа се продадени 4284 Patrull ноќни светилки.