ИФЦ, членка на групацијата на Светска банка и ЦЕФТА беа домаќини на регионална средба на царинските управи, санитарни и фитосанитарни агенции од регионот. На средбата се одржа минатата седмица во Скопје се дискутираше за олеснување на трговијата и зајакнување на соработката меѓу институциите кои вршат гранична контрола во регионот. Учесниците од Македонија, Србија, Босна и Херцеговина, Албанија и Косово разговараа за можностите за соработка меѓу институциите, поедноставување на процедурите за граничната контрола, хармонизација на документи и управување со ризици во трговијата. Според Виолане Конар-Леси, (Violane Konar-Leacy) проект менаџер на проектот на ИФЦ за логистика при трговија во Западен Балкан, редовните регионални координативни состаноци ќе им овозможат на земјите да ги споделат своите искуства и да работат заеднички за олеснување на трговијата. Зе време на средбата се зборувало и за потребата ос забрзување на царинските постапки. „Една регионална мрежа, каде што претставници од различни агенции и земји се сретнуваат, е најважниот модел за размена на искуства и за развој на заеднички решенија. Добро е да се видат на една маса главните институции кои вршат гранична контрола како разговараат за олеснување на трговијата“, иззјави заменик директорот на македонската Агенција за храна и ветеринарство Абдулезел Догани. ИФЦ и македонската Агенција за храна и ветеринарство (АХВ) ја нагласија нивната соработка во областа на анализата на ризик. Тие имаат работено заедно во текот на изминатите 7 месеци на интегрирање на таканаречен “пристап базиран на ризик“ во граничните контроли вршени од страна на АХВ за потаргетирани и ефективни инспекции. ИФЦ, членка на групацијата на Светска Банка, е најголемата глобална развојна институција која е фокусирана  исклучиво на приватниот сектор. Во финансиската година 2013, нивните инвестиции се искачија на највисоко ниво од речиси 25 милијарди долари, а се прават со цел подобрување на приватниот сектор за создавање работни места и решавање на најнеопходните предизвици за развој во светот.